مساعدتك تبدأ هنا.

اختر التجربه وراجع وصفها ومتطلباتها وشروط إلغائها، وحدد التاريخ والوقت وعدد الضيوف، ثم ادفع. يتأكد حجزك لما يظهر التأكيد في التطبيق، وتذكرتك بالـQR تلقاها في التطبيق وعلى بريدك.

مدى وفيزا وماستركارد وآبل باي، وخيار «اشتري الآن وادفع لاحقاً». الدفع مشفّر بالكامل ولا نخزّن بيانات بطاقتك.

هي رسوم منصه تراي نفسها، وتظهر في سطر مستقل قبل ما تدفع — ما فيه مفاجآت ولا رسوم إضافيه. وإذا ألغيت، نسبه الاسترداد تنطبق على كامل المدفوع بما فيه الرسوم. والباقي كله يروح للمضيف.

لحظه تأكيد الدفع تظهر البطاقه في «تذاكري» ويمكنك إضافتها للتقويم أو المحفظه. أبرز الـQR عند نقطه اللقاء.

بعض المضيفين يراجعون كل طلب بدل الحجز الفوري. مقعدك محجوز وهم يراجعون، وقبل ما يقبلون تقدر تلغي وتسترد كامل المبلغ. وإذا رفضوا أو انتهت مهله القبول، يرجع لك كل المبلغ — ويوصلك إشعار في الحالتين.

مكان اللقاء والوقت بالضبط تلقاهم في تذكرتك بعد ما يتأكد حجزك. افتح «التذاكر» تشوفهم، والمضيف يقدر يوضّح أكثر في المحادثه.

افتح حجزك واضغط زر الرسائل — محادثتك مع المضيف موجوده هناك، قبل التجربه وبعدها.

أغلب المضيفين يردّون خلال ساعات. وإذا قرب موعد تجربتك وما وصلك رد، افتح مركز المساعده وخبّرنا — نوصل له بنفسنا ونرجع لك.

حسب وقت الإلغاء. قبل البدايه بـ72 ساعه أو أكثر: استرداد كامل. من 24 إلى أقل من 72 ساعه: 50٪. أقل من 24 ساعه أو عدم الحضور: ما فيه استرداد. والنسبه تنطبق على كامل المدفوع بما فيه رسوم الخدمه، والشروط تظهر لك قبل الدفع.

إذا انطبق على حجزك حق الفسخ في نظام التجارة الإلكترونية، تقدر تستخدمه خلال سبعه أيام من الحجز بشرط ما استفدت من الخدمه، مع مراعاه الاستثناءات النظاميه. وإذا ثبت، يرجع لك كامل المدفوع بدون خصم الإلغاء الزمني — ووصف الحجز بأنه «غير قابل للاسترداد» ما يسقط هذا الحق.

خبّرنا فوراً — خلال 24 ساعه من إرسال الحجز وقبل موعد التجربه — من مركز المساعده. إذا التطبيق ما أتاح لك تصحيح الخطأ، نعالجه وفق أحكام تصحيح الخطاب الإلكتروني؛ وغير كذا التعديل يعتمد على مواعيد التجربه وشروطها.

مره وحده بدون رسوم تعديل إذا باقي على الموعد الأصلي 48 ساعه أو أكثر، بشرط توفر الموعد الجديد وموافقه المضيف. والتعديل ما يصير نافذ إلا بعد تأكيد تراي؛ وفرق السعر إن وُجد يُعرض عليك قبل، ويُرد لك إذا نزل السعر. وإعاده الجدوله ما تحسّن نسبه استردادك لو ألغيت بعدها.

أرسل الطلب من حجزك أو من مركز المساعده. نرد عليك أول رد خلال يومي عمل، ونصدر القرار خلال خمسه أيام عمل مع المبلغ وطريقه حسابه. وإذا ثبت استحقاقك، يُرسل الاسترداد لمزود الدفع خلال يومي عمل ويرجع لنفس وسيله الدفع — ومده ظهوره في حسابك تعتمد على البنك.

راسل [email protected] مع رقم الحجز. يراجع اعتراضك شخص مخوّل غير اللي أصدر القرار متى أمكن، ويرد خلال خمسه أيام عمل. والاسترداد الثابت ما ينتظر موافقه المضيف، ويبقى لك حق اللجوء للجهات المختصه.

خبّرنا مع تفاصيل الحجز أو العمليه: المبلغ المكرر أو المحصّل بدون حجز صحيح يرجع لك بعد التحقق وبدون رسوم إلغاء. وإذا تشك إن العمليه مو منك، تواصل مع البنك أو مصدر البطاقه فوراً بعد.

إذا تأخرت وانضمامك ما زال ممكن وآمن، ما يُرفض دخولك. أما إذا فات وقت إغلاق التسجيل المعلن أو ما عاد الانضمام ممكن، يُعتبر عدم حضور بدون استرداد. والطارئ الموثّق مثل التنويم بالمستشفى يروح لمراجعه استثنائيه — خبّرنا ونصدر القرار خلال خمسه أيام عمل من اكتمال المستندات.

إذا ما بدأت التجربه خلال 30 دقيقه من موعدها المؤكد بسبب المضيف، تقدر تنسحب وتسترد كامل المبلغ، إلا إذا اخترت تنتظر. وإذا المضيف ما حضر أبداً، الاسترداد كامل بعد. وإذا كمّلت، يبقى لك حق الاعتراض على أي نقص في الخدمه.

يرجع لك كامل المبلغ المدفوع 100٪. ممكن نعرض عليك موعد أو تجربه بديله، بس ما تُعتمد إلا بموافقتك الصريحه — وسكوتك مو موافقه، وما نستبدل استردادك برصيد. ونفس الشي إذا المضيف ما حضر، أو تغيّر الموعد أو المكان بدون موافقتك، أو انحذف عنصر أساسي من التجربه.

إذا انلغت قبل ما تبدأ، تختار بين استرداد كامل أو بديل متاح توافق عليه. وإذا توقفت بعد ما بدأت، يرجع لك مقابل الجزء اللي ما تنفّذ — أو كامل المبلغ إذا ما تحقق العنصر الأساسي للتجربه. وإذا كانت قائمه وآمنه واخترت ما تشارك، ينطبق جدول الإلغاء العادي.

إذا التجربه مشروطه بحد أدنى من المشاركين، العدد يظهر لك قبل الدفع، ولازم المضيف يأكد التنفيذ أو يلغي قبل الموعد بـ24 ساعه على الأقل. وإذا ما اكتمل العدد، يُعامل كإلغاء من المضيف: استرداد كامل أو بديل توافق عليه، بدون أي خصم.

نعم، إذا كان لكل مقعد سعره: نسبه الاسترداد تنطبق على المقاعد الملغاه بس. أما الحجز الخاص بسعر إجمالي للمجموعه، فنقص عدد الحاضرين ما يُعتبر إلغاء جزئي يستحق استرداد. والاسترداد يُحسب على المدفوع فعلاً بعد الخصومات، والخصم الترويجي ما يُرد نقداً.

بحدود المقاعد المتبقيه عند المضيف لذلك الوقت. غيّر عدد الضيوف قبل الدفع؛ بعدها راسل المضيف — وإذا كانت التجربه مكتمله فالإضافه تحتاج حجز جديد.

نعم — اكتب اسمه في الحجز، أو أهده التجربه عشان تكون التذكره باسمه من البدايه.

اختر أي تجربه واضغط «إهداء» — أنت تغطّي التكلفه، والشخص اللي تهديه يفتحها ويحجز مقعده وموعده بنفسه. تقدر ترسلها الحين أو تجدولها ليوم مميز.

تلقاها في «التذاكر» تحت «الهدايا». إذا المُهدي اختار تاريخ تصير تذكره بضغطه وحده؛ وإذا خلّاها مفتوحه، أنت تختار الوقت اللي يناسبك.

كل صفحه تجربه توضح الحد الأدنى للعمر ومستوى النشاط. وإذا كان النشاط يتطلب موافقه ولي الأمر أو حضوره، ما يشارك القاصر إلا بعد استيفاء ذلك — والبالغ اللي يحجز يراجع متطلبات العمر والسلامه قبل الحجز.

اقرأ الوصف ومتطلبات المشاركه وتعليمات السلامه قبل الحجز. وإذا النشاط يتطلب لياقه معينه أو فيه تحذيرات صحيه، قيّم إذا يناسبك، وبلّغ المضيف باللي يحتاج يعرفه عشان سلامتك. تراي ما تقدم استشاره طبيه — وإذا عندك شك، استشر مختص صحي.

بس إذا صفحه التجربه أو المعلومات المعروضه قبل الحجز ذكرت ذلك صراحه. تراي مو شركه تأمين ولا وسيط تأمين، والمضيف الملزم نظاماً بتأمين هو المسؤول عن استيفائه واستمراره.

في حاله طارئه اتصل بالطوارئ والجهات المختصه أول — تراي مو بديل عنها. بعدها خبّرنا: مركز المساعده ← كلّمنا يوصلك بشخص حقيقي من الفريق. وإذا الموضوع يخص السلامه أو السلوك، سجّل بلاغ — البلاغ يروح لفريق السلامه مو للمضيف.

كل واحد منها فيه خيار بلاغ: التجربه من قائمه …، والرساله من قائمه الضغط المطوّل، والحساب من صفحته نفسها. تختار السبب وتقدر ترفق صور.

بلاغك له صفحه خاصه في «البلاغات» فيها تسلسل لكل ما يصير. ممكن فريق السلامه يسألك سؤال هناك — تقدر ترد وترفق صور — ونخبرك بالنتيجه. وإذا انقفل البلاغ وحسيت النتيجه مو صحيحه، تقدر تطلب مراجعه مره وحده خلال 30 يوم.

نعم. افتح التذكره وشاركها — الفاتوره فيها الرقم المرجعي والتاريخ وعدد الضيوف وتفصيل الرسوم.

بعد التجربه بنذكّرك تقيّمها، أو افتح الحجز في أي وقت. اكتب عن تجربتك الفعليه: التقييم الصادق يبقى حتى لو كان سلبي، والتقييم المدفوع أو الوهمي يُحذف.

ما يُحذف لأنه سلبي. التقييم يُحذف أو يُخفى إذا خالف سياسه المحتوى — وهمي أو مدفوع أو مسيء أو فيه بيانات شخصيه لأحد. وإذا انحذف محتواك بالخطأ، تقدر تطلب منا نراجعه.

من مركز المساعده في التطبيق أو الموقع، أو على [email protected] — ومجاناً. أرفق رقم الحجز ووش صار ومتى، وأي صور أو رسائل. نأكد استلامها ونحدّثك بحالتها؛ والمده تختلف حسب الحاله، بس طلبات الاسترداد يوصلها أول رد خلال يومي عمل. ولا ترسل كلمات مرور أو رقم بطاقه كامل أو رموز تحقق.

نعم. اطلب إعاده مراجعه ووضّح سبب اعتراضك وأضف أي معلومه جديده — وممكن تنتقل الحاله لمستوى ثاني داخل تراي أو للفريق المختص. والطلبات المكرره بدون جديد ممكن ما يُعاد فتحها. وهذا كله ما يمنعك من اللجوء للجهات المختصه.

لا الضيوف الثانيين ولا أي أحد من برّه. المضيف يشوف اللي يحتاجه عشان ينظّم الحجز. وخلّ تواصلك دايم داخل تراي — المحادثه محفوظه، وهي اللي تحمي حقك وسلامتك إذا صار أي خلاف.

نعم — حسابي ← الإشعارات. إشعارات الحجز والسلامه تبقى شغّاله، لأنها اللي ما ترضى تفوتك.

حسابي ← الحساب ← حذف الحساب. يُحذف الحساب تلقائياً بعد 30 يوماً من طلبك، وتقدر تتراجع بتسجيل الدخول قبل ذلك. لازم تستخدم أو تلغي أي حجز قادم قبلها — الحذف لحاله ما يسترجع مبلغ حجز. والسجلات اللي يلزمنا النظام بحفظها، كالحجوزات والمدفوعات، تُحفظ للمده اللازمه فقط.

راسل [email protected] ووضّح طلبك: الاطلاع، أو نسخه، أو تصحيح، أو تحديث، أو إتلاف في الحالات المقرره نظاماً. ممكن نتحقق من هويتك أول، ونعالج الطلب وفق المدد النظاميه.

مؤسسة تراي التنظيم للترفيه، السجل التجاري 4650284369، والموقع try.sa. تراي منصه، والتجارب ينفّذها مقدمو خدمات مستقلون. وتخضع الشروط لأنظمه المملكة العربية السعودية.